نكات منوعة من جميع الدول /2/

في ثلاثة مساطيل جالسين بخيمة في الصحراء قالوا لواحد منهم قوم جيبلنا شاي من عند حد من الجيران فطلع لف حوالين الخيمة ورجع فات لعندهم وقلهم بالله مافي عندكم شاي قالوله انتظر شوي راح صاحبنا يجيب بس يجي نعطيك

******************
حمصي اشترى Satellite من وراء أهله .

فقال لهم : ما حدا يطلع على السطح لاني اشتريت كلب كبير ومتوحش .

ثاني يوم طلع أبوه مشان يستكشف الموضوع فنزل من السطح وهو عم يركض ويرتجف.

سألوه اهله : شو ... شفت الكلب؟؟

قام قلون: لأ .. بس شفت الصحن اللي بياكل فيه ... عن جد شي بيخوف

******************

هادا احمد اتصل عل الادارة بالمدرسة وقلهم احمد اليوم بدو يغيب

الادارة : ومين حضرتك

احمد : انا ابوي 

******************

طالب جامعي مهمل بعد ما رسب في مادة 'المنطق' راح يراجع الدكتور ..

الطالب: سيدي البروفيسور هل صحيح أنت تفهم كل شي في المنطق؟

الدكتور: طبعا أفهم وهذا هو السبب اللي ينادونني على أساسه بروفيسور

الطالب: ممكن أسألك سؤال واحد في المنطق وتجاوبني عليه؟ بس على شرط أذا ما عرفته اليوم تغير درجتي من رسوب إلى ممتاز؟

الدكتور: موافق ..

الطالب: ما هو الشيء 'القانوني لكن غير منطقي' و ما هو الشيء ' المنطقي لكن غير قانوني ' و الشيء ' الغير منطقي والغير قانوني'؟

الدكتور حاول وفكر لكن ما عرف الجواب وفي اليوم الثاني غير درجة الطالب من رسوب إلى ممتاز على حسب الاتفاق ..

وبعدها بكم يوم مر عليه أحسن طالب متميز عنده في الصف فجات في مخه فكرة إنه يسأله نفس السؤال..

قال الطالب المتميز: بسيطة يا دكتور أنا أجاوبك .. حضرتك عمرك 65 سنة ومتزوج وحده عمرها 24 سنه وهذا 'قانوني لكن غير منطقي' .. وهي تخونك وتحب طالب عمره 25 سنة وهذا 'منطقي لكن غير قانوني' .. وهذا الطالب أكثر طالب مهمل في الجامعة وحضرتك عطيته درجة ممتاز وهذا 'غير قانوني وغير منطقي ' .. فهمت يا دكتور المنطق ؟؟


******************

سألوا أردني : ليش أنت دائماً مكشر وعصبي ... ؟؟

قال : .... قهوتنا مرة .. وبحرنا ميت .. وخليجنا عقبة ..

وطبختنا مقلوبة ... وأشهر الأسماء عنا : زعل ومهاوش وعدوان ..

ومطربنا اسمه متعب ... وأشهر أغانينا : ويلك يلي تعادينا يا ويلك ويل

وبدك إياني ابتسم ... !!! 

******************

حمصي قال لشامي واجعيني عيوني وعم شوف طول النهار نقط سودة بعيوني
قله الشامي شفت شي دكتور عيون؟؟
قله الحمصي لأ شفت بس نقط سودة!!!

******************

عصفور كان يطير على ارتفاع منخفض فاصطدم بزجاج سيارة وسقط على الأرض.
أشفق السائق عليه فأوقف السيارة وحمل العصفور وأخذه إلى البيت،
وهناك وضعه في قفص ووضع أمامه ماء وخبزا عندما أفاق العصفور ووجد نفسه وراء الشبك
ضرب بجناحه على رأسه وقال: العمى! سجن وقضبان!؟ معقولة نكون روحناه للزلمة

******************

معلم تمديدات صحية ذهب الى عرس احد اصدقائه راح ماخلا حدا ينقط ليش لانه حطلن جلدة

******************

ليش الحماصنة عم يحطوا قبعات على راسن
لانو سمعوا انو الشيشان عم يضربوا الروس .

******************
سأل الاستاّذ الطالب من فتح الاندلس
قال الطالب ولله ماانا والله العظيم ما انا

عنوان التعليق*:

اسم الكاتب*:

نص التعليق*: